Мени



Веб страни

Соработници

Известувања

Мобилност

Читај online

Општина Виница

Жителите од десетина улици во Виница наскоро ќе можат да се приклучат на новата водоводна линија, чија реконструкција започна пред десетина дена

Жителите на Булеварот „Маршал Тито“ и на уште на 10-на улици во Виница во следните неколку месеци ќе можат да се приклучат на новата водоводна линија. Реконструкцијата со исфрлање на старите азбестни цевки започна минатата недела и се работи етапно како што е најавено, вели градоначалникот Димитров.

„Во изминативе десетина дена замената на старите азбестни цевки е завршена на Булеварот Маршал Тито, и со реконструкцијата продолжуваме и на останатите улици кои се планирани со оваа фаза од проектот. Согласно досегашната динамика во одвивањето на градежните активности, очекувам реконструкцијата да заврши во пократок временски период од планираните 9 месеци. Изведувач е Фирмата Коп-инженеринг, а инвестицијата е 6,5 милиони денари“, рече Димитров.
Старите азбестни цевки ќе бидат заменети на улиците: „Славчо Стојменски“, „Браќа Миладинови“, „Раде Кончар“, дел од Булеварот „Маршал Тито“, делови од улиците „Страшо Пинџур“, „Стив Наумов“, „Илинденска“, „Димитар Осоговски“, „Димитар Влахов“, „Јане Сандански“ и „4-та Македонска Бригада“.
Во Виница вкупната водоводна мрежа е со должина од 42.5 км, а преку 60% е веќе реконструирана. Со овој проект 2018 година е предвидено да од употреба да бидат исфрлени 3960 метри азбестни цевки, а средствата се обезбедени од Европската инвестициона Банка, Миистерството за транспорт и врски и општина Виница.
Општина Виница
ул. Бел Камен бр. 13
телефон: 033 361-945, mail: ovinica@t-home.mk